Yn enw’r Tad a’r Mab a’r Ysbryd Glân.

Amen

CANMOL 

Diwrnod newydd, creadigaeth newydd, rhodd newydd. 

(BB)

Distawrwydd 

Mae’r haul yn taenellu

ei grisialau o olau ar groen y môr. 

Mae’r dyfroedd yn ymateb —

glas tywyll yn dyfnhau, gofod

lle mae’r Gwyntoedd, 

wedi gadael eu marc.

Mae Cariad yn adnabod, ac yn datgan

ei fod yn dda iawn. 

Mae dy anadl yn ein cynnal: 

yr un anadl a symudodd dros y dyfroedd

cyn i olau y diwrnod cyntaf dorri.

Cyn i'r Gair gael ei lefaru 

a roddodd fywyd i'r goleuni. 

Yma, ar y ddaear hon,

nid oes amser ond y presennol. 

Rydym yn deffro ymhlith saint —

cwmwl tystion

y mae eu gweddïau yn un 

â’r gwynt a'r tonnau,

y garreg a’r pridd. 

Rydym yn meddwl am y rhai sy'n cadw  wyliadwriaeth yma —

trwy storm a distawrwydd, 

tywyllwch a golau. 

sy'n dysgu ffydd gan lanw a thempest

sy'n croesawu pob diwrnod fel rhodd. 

Boed i ni gadw eu cwmni

Boed i ni ddysgu eu llawenydd a'u ffydd. 

Boed i ni fyw yn dy eiliad bresennol, 

Helpa ni i ymdawelu yn y lle cysegredig hwn.

Distawrwydd

Ar y cyd gyda phopeth sy’n byw, 

rydym yn cynnig ein cân foreol: 

Arglwydd aruchel, henffych well! 

Bydded i eglwys a changell dy ogoneddu; 

Bydded i gangell ac eglwys dy ogoneddu; 

Bydded i’r lle gwastad a’r lle serth dy ogoneddu; 

Bydded i ti fendith y tair ffynnon sydd; 

Bydded i’r tywyllwch a’r dydd dy ogoneddu; 

Fe’th ogoneddodd Abraham, arweinydd ffydd; 

Bydded i fywyd tragwyddol dy ogoneddu; 

Bydded i’r adar a’r gwennyn dy ogoneddu; 

Bydded i’r adladd a’r glaswellt dy ogoneddu; 

Fe’th ogoneddodd Aaron a Moses. 

Bydded i’r holl bobl dy ogoneddu; 

Bydded i’r saith diwrnod a’r sêr dy ogoneddu; 

Bydded i’r awyr a’r ether dy ogoneddu; 

Bydded i lyfrau a’r llên dy ogoneddu; 

Bydded i’r pysgod yn y cerrynt dy ogoneddu; 

Bydded i feddwl a gweithred dy ogoneddu; 

Bydded i dywod a thywarch dy ogoneddu; 

Bydded i’r holl bethau da a grewyd dy ogoneddu;

A byddwn ni hefyd dy ogoneddu, arglwydd gogoniant:  

Arglwydd aruchel, henffych well! 

(Llyfr Du Caerfyrddin)

DERBYN MADDEUANT

Mae Duw yn dy garu di. 

Mae Duw yn dy faddau di. 

Triga mewn cariad. 

Mewn ymateb i ras rhyfeddol Duw, gweddïwn: 

Arglwydd, yn dy drugaredd diderfyn,

rho i ni edifeirwch

Wrth i ni fyfyrio ar yr hyn sydd wedi bod, 

helpa ni i gydnabod 

ein meddyliau a’n geiriau a’n gweithredoedd di-gariadus 

a dangos i ni sut i fyw.

Distawrwydd

Rydym yn dweud gyda'n gilydd:

Maddau ni, Arglwydd, a helpa ni i faddau eraill

Bydded i ni wrando, bydded i ni ddysgu, bydded i ni garu. Amen.

GWRANDO AR Y GAIR A’R BYD

Llefaraist, a bu golau.

Llefaraist, a bu môr. 

Mae’r dyfroedd yn hymian â hud,

Mae’r angenfilod yn teithio islaw.

A gwelwch yr adar – 

Dyma nhw’n nofio, dyma nhw’n esgyn

yn gwehyddu eu cân i'r nef.

Salmodi 

Darlleniad(au)

Distawrwydd

Fel mae’r Dyfroedd ymateb i alwad y Gwynt

Cynhyrfa ni hefyd:

fel mae’r haul yn chwarae ar ddŵr, 

goleuo'r hyn nad ydym yn ei adnabod ynddo'n hunain.

Dysga ni i ymateb

Fel drycin manaw i'r thermol:

yn hamddenol a sylwgar 

yn ddidrachwant ac wedi ein codi gan gras.

CADARNHAU

Anwylyd, gadewch i ni garu ein gilydd, oherwydd mae cariad oddi wrth Dduw. 

Nid oes ofn mewn cariad, oherwydd mae ofn yn cael ei fwrw allan gan gariad. 

(1 Ioan 4)

Gadewch i ni gadarnhau'r realiti hwn:

Mae daioni yn gryfach na drwg; 

Mae cariad yn gryfach na chasineb; 

Mae golau yn gryfach na thywyllwch; 

Mae bywyd yn gryfach na marwolaeth; 

Mae’r fuddugoliaeth wedi’i ennill trwy'r Un a'n carodd ni. 

(Desmond Tutu)

[neu]

Oherwydd y mae cariad mor gryf â marwolaeth,

a nwyd mor greulon â'r bedd;

y mae'n llosgi fel ffaglau tanllyd,

fel fflam angerddol.

Ni all dyfroedd lawer ddiffodd cariad,

ac ni all afonydd ei foddi.

(Cân y Caniadau 8)

YMBILIO 

Amgylchyna O Arglwydd â'th gariad 

holl fywyd y ddaear hon,

pob enaid sy'n byw yma, yn gweithio ac yn croesawu,

pob un sy'n ymweld â'i glannau. 

Distawrwydd

Amgylchyna ein byd yn dy ofal:  

Gadael i gariad oroesi ofn

a heddwch disodli rhyfel 

Boed i straeon gael eu hadrodd

a phontydd cael eu hadeiladu. 

Dan gyffwrdd yr Iachawr

boed i faddeuant dyfu.

Boed i gymunedau ffynnu 

a gobaith yn dod i'r amlwg

A boed i hyn i gyd ddechrau 

gyda ni. 

Distawrwydd

Ein Tad, yr hwn wyt yn y nefoedd, sancteiddier dy enw.

deled dy deyrnas, gwneler dy ewyllys, 

megis yn y nef, felly ar y ddaear hefyd. 

Dyro i ni heddiw ein bara beunyddiol

A maddau i ni ein dyledion, 

fel y maddeuwn ninnau i'n dyledwyr. 

Ac nac arwain ni i brofedigaeth, eithr gwared ni rhag drwg. 

Canys eiddot ti yw'r deyrnas, a'r gallu, a'r gogoniant 

yn oes oesoedd. Amen.

BENDITH

Yn olaf, rhoi gwreiddiau i’n perthyn. 

Atgoffa ni ein bod ni hefyd wedi'n plethu

fel saint a phechaduriaid, gyda chefnforoedd ac ynysoedd,

wrth i’th waith creu 

yn parhau.

Tangnefedd y tonnau crychdonnu i ti,

Tangnefedd yr awel ysgafn i ti,

Tangnefedd y ddaear distaw i ti,

Tangnefedd y sêr disglair i ti,

Tangnefedd Tywysog Tangnefedd i ti. Amen.

(Bendith Geltaidd Draddodiadol)

Yn enw’r Tad a’r Mab a’r Ysbryd Glân.

Amen